Հայրենադավություն էր, մեր հավատքի նկատմամբ ոտնձգություն. Սերժ Սարգսյան

«Հայրենադավություն էր, մեր հավատքի նկատմամբ ոտնձգություն, ուրիշ ոչ մի բան»,-դատական նիստից առաջ ի պատասխան լրագրողի հարցին, թե ինչպե՞ս կբնութագրի նախօրեին Մայր Աթոռի տարածքում տեղի ունեցածն, ասաց ՀՀ երրորդ նախագահ Սերժ Սարգսյանը։

Հիշեցնենք, որ նախօրեին Մայր Աթոռ Սուրբ Էջմիածնի տարածքում ի պաշտպանության և ընդդեմ Ամենայն Հայոց Կաթողիկոս Գարեգին Երկրորդի հավաքաներ էին։ Ի պաշտպանության Վեհափառի հավաքվել էին բազմաթիվ քաղաքացիներ, քաղաքական, հասարակական, մշակութային գործիչներ։

Ընդդեմ Կաթողիկոսի՝ հավաք էին հրավիրել Նիկոլ Փաշինյանի հետ հանդիպած եպիսկոպոսները։ Նրանք հավաքի վայր էին եկել նախապես հայտարաված ժամից ուշ, հայտնել էին, որ Վեհափառի հրաժարականի պահանջով նամակ են հանձնել քարտուղարություն։

«Մեր առաքելությունն այս պահին ավարտված է։ Հաջորդ անգամ մենք այստեղ լինելու ենք ձեզ հետ միասին՝ Մայր Տաճարից աղոթելու մեր ժողովրդի, ազգի, հոգևոր դասի ամրապնդման և պայծառության համար», – ասել էր Բալթյան երկրների թեմի առաջնորդ Վազգեն արքեպիսկոպոս Միրզախանյանը:

Նրա ելույթի ժամանակ հավաքվածները գոռում էին «Հուդա»: Հենց այդ նույն պահին Մայր տաճարում ժամերգություն էր, Կաթողիկոսն իր խոսքում հորդորց «խոտոր ընթացքի մեջ եղող մեր Սրբազան Հայրերին վերադառնալ կանոնական դաշտ և գործել միայն մեր Սուրբ Եկեղեցու նվիրական կարգաց համաձայն՝ ի սեր մեր ժողովրդի և հայրենյաց»։