ՆԱՏՕ-ի գլխավոր քարտուղար Մարկո Ռյուտտեն հայտարարել է, որ Եվրոպան պատրաստ է զորքեր ուղարկել Ուկրաինա, եթե Ռուսաստանը «խախտի խաղաղության պայմանագիրը»։ Նա նման հայտարարություն է արել Bild-ին տված հարցազրույցում։
«Իհարկե, այս պահին մենք հրապարակայնորեն չենք քննարկում մանրամասները։ Բայց կարող եմ ասել, որ մի քանի եվրոպական երկրներ հայտնել են իրենց պատրաստակամությունը անհրաժեշտության դեպքում զորքեր ուղարկել»,-նշել է նա։
Ռուտտեն հավելել է, որ ներկայումս աշխատանքներ են տարվում «կամավորների կոալիցիայի» ճշգրիտ կառուցվածքը որոշելու ուղղությամբ։
Ռուսաստանի արտաքին գործերի նախարարությունը բազմիցս հայտարարել է, որ Ուկրաինայում ՆԱՏՕ-ի զորքերի տեղակայման հետ կապված ցանկացած սցենար կտրականապես անընդունելի է Մոսկվայի համար և կարող է հանգեցնել կտրուկ սրման։ Ռուսաստանի արտաքին գործերի նախարարությունը Լոնդոնից և այլ եվրոպական մայրաքաղաքներից ստացված հայտարարությունները Ուկրաինայում ՆԱՏՕ-ի զորքերի հնարավոր տեղակայման մասին անվանել է շարունակական ռազմական գործողությունների հրահրում։
Ռուսաստանը բազմիցս նշել է, որ Ուկրաինայի զինված ուժերը կարող են օգտագործել հրադադարը՝ իրենց դիրքերը ամրապնդելու համար։
