Խոստացել են՝ պատժամիջոցները կկործանեն Ռուսաստանը․ Օրբան

Եվրամիության կողմից Ռուսաստանի դեմ սահմանված պատժամիջոցները հարվածել են հենց Եվրոպային։ Այս մասին հայտարարել է Հունգարիայի վարչապետ Վիկտոր Օրբանը։

«Բրյուսելը խոստացել է, որ պատժամիջոցները կկործանեն Ռուսաստանը։ Դրա փոխարեն դրանք կկործանել են Եվրոպան»,– գրել է նա X սոցիալական ցանցում։

Նրա խոսքով՝ պատժամիջոցները չեն հասել Ռուսաստանին կործանելու նպատակին։ Փոխարենը, ըստ նրա, Եվրոպայում կտրուկ բարձրացել են էներգակիրների գները, իսկ մրցունակությունը նվազել է։

Հունգարիայի վարչապետի համոզմամբ՝ ուկրաինական հակամարտությունը շարունակելու հարցում շահագրգռված են առանձին եվրոպացի քաղաքական գործիչներ, որոնք ակնկալում են միջուկային տերությանը հաղթել սովորական սպառազինության օգնությամբ։

Ավելի վաղ Օրբանը, ամփոփելով ԵՄ-ի գագաթնաժողովը, հայտարարել էր, որ Եվրամիության գագաթնաժողովում ընդունված որոշումը Ուկրաինային 90 միլիարդ եվրո գումարի անտոկոս վարկ տրամադրելու վերաբերյալ Եվրոպային մոտեցնում է պատերազմի։