ՀԷՑ ՓԲԸ ժամանակավոր կառավարիչ Ռոմանոս Պետրոսյանը սոցցանցի իր էջում հայտնել է, որ մեր երկրում դեկտեմբերի 22-ը՝ տարվա ամենակարճ լուսային օրը, նշվում է որպես «Էներգետիկի օր».
«Շնորհավորում եմ էներգետիկայի ոլորտում մասնագիտական գործունեություն ծավալող՝ մեր տասնյակ հազարավոր քաղաքացիներին, եւ մասնավորապես, Հայաստանի էլեկտրական ցանցեր -ի հազարավոր մեր աշխատակիցներին՝ Էներգետիկի օրվա առիթով։
Ի արժեւորումն ՀՀ-ում էներգետիկայի զարգացման ոլորտում եւ էներգետիկ անվտանգության ապահովման գործում ունեցած անուրանալի վաստակի, ՀԷՑ-ի շուրջ 1.753 աշխատակիցներ, ովքեր 25 եւ ավելի տարիների աշխատանքային փորձ ունեն մեր ընկերությունում, Ընկերության խնայողությունների հաշվին այսօր պարգեւատրվել են 25 հազարից մինչեւ 60հազ. ՀՀ դրամ (հարկված) պարգեւավճարներով։
Հավելեմ նաեւ, որ ՀԷՑ-ում այս պահին ունենք աշխատակից, ով ավելի քան 61 տարի (1964թ.-ից) աշխատում է մեր Ընկերությունում եւ այս պահին հանդիսանում է ՀԷՑ-ի «Գեղամա» մասնաճյուղի ենթակայանների «Սեւան» խմբի պետը. նա Էմիլ Բախշիի Գեւորգյանն է (ծնված 1946 թվականին). արեւշատությու՛ն Ձեզ, պրն. Գեւորգյան
Շնորհավոր Էներգետիկի օր»։
