Մենք լիովին հասկանում ենք։ Իսկապես, բոլոր պետությունների ղեկավարները շատ խիտ գրաֆիկ ունեն, հատկապես դեկտեմբերին՝ Նոր տարվա նախօրեին։ Այսպես է արձագանքել Դմիտրի Պեսկովը՝ ԱՊՀ պետությունների ղեկավարների ոչ պաշտոնական գագաթնաժողովին Իլհամ Ալիևի բացակայության մասին հարցին։
Պեսկովը նշել է նաև, որ Ադրբեջանի նախագահի՝ ԱՊՀ ոչ պաշտոնական գագաթնաժողովին չմասնակցելու որոշումը Կրեմլի համար անակնկալ չի եղել:
«Մենք շարունակում ենք զարգացնել մեր գործընկերությունը և կառուցողական համագործակցությունը Ադրբեջանի հետ։ Ադրբեջանը նույնպես շարունակում է մասնակցել համագործակցության բոլոր ձևաչափերին»,- ասել է նա։
