Վրաստանը կարևոր դեր է խաղում Հարավային Կովկասում խաղաղության ամրապնդման գործում, այս մասին հայտարարել է Վրաստանի վարչապետ Իրակլի Կոբախիձեն Թբիլիսիում կայացած 2025 թվականի դեսպանների համաժողովում իր ելույթում։
Նրա խոսքով, վրացական դիվանագիտական կորպուսի ջանքերը տարածաշրջանում խաղաղության ամրապնդման ուղղությամբ պետք է շարունակվեն առաջիկա տարիներին։
«Վրաստանը շատ կարևոր դեր է խաղում տարածաշրջանում, Հարավային Կովկասում խաղաղության ամրապնդման գործում, և մեր դիվանագիտական կորպուսի ջանքերը այս ուղղությամբ պետք է շարունակվեն նաև ապագայում։ Մեր հիմնական խնդիրներից մեկը մեր երկրի տրանսպորտային և տարանցիկ գործառույթների ամրապնդումն է։ Այս տարի այս ուղղությամբ շատ բան է արվել, և դեռ շատ բան կա անելու հաջորդ տարի և առաջիկա տարիներին», – ասել է Կոբախիձեն։
