ՀՀ էկոնոմիկայի նախարար Գևորգ Պապոյանն անդրադարձել է Ադրբեջանից ներկրված բենզինին։ Նա նշել է, որ պրեմիում տեսակի բենզինը վաճառվելու է 430 դրամով, մինչդեռ, դրա գինը Հայաստանում 500-520 դրամ է եղել։
Անդրադառնալով սոցցանցերում արված հայտարարություններին, թե ադրբեջանական բենզին չեն գնելու, նա ասել է.
«Դուք ազատ եք․ հենց դա է մեր խնդիրը, որ ազատ լինեք, որ բենզինն ուզեք, գնեք, ինքներդ ընտրեք՝ որտեղից գնել։ Պետության խնդիրն է՝ հնարավորինս տարբեր, մեծ տեսականի ապահովել, անխափան երթուղիներ լինեն, որ բենզինն ու մյուս ապրանքները մշտապես լինեն հասանելի, և հետևենք, որ որակը բարձր մակարդակի վրա լինի, ձեզ էլ քանակի մեջ չխաբեն։ Այստեղ է պետության խնդիրը, մնացածը դուք եք ընտրում»,- ասել է նա։
