Կառավարությունն այսօրվա նիստում չզեկուցվող նախագծերի թվում ընդունեց «Մաքսային կարգավորման մասին» օրենքում լրացում կատարելու մասին որոշումը։
Նախագծով առաջարկվում է պետական սահմանի ցամաքային անցման կետերի հարևանությամբ կազմակերպել վճարովի կայանատեղիներ և ներդնել բեռնատար տրանսպորտային միջոցների հերթերի կառավարման էլեկտրոնային համակարգ՝ կուտակումներն ու հերթերը բացառելու, սահմանահատման գործընթացը պարզեցնելու և մաքսային սպասարկման ժամանակը կրճատելու նպատակով։
Նշվում է, որ նախաձեռնությունը մշակվել է միջազգային փորձի ուսումնասիրման և բեռնափոխադրող տնտեսվարողների շրջանում անցկացված հարցման արդյունքների հիման վրա և բխում է կառավարության 2021–2026 թվականների ծրագրից։
