«Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն Globe Soccer Awards մրցանակաբաշխության ժամանակ հայտարարել է, որ կփորձի հասնել կարիերայում 1000 գոլի նպատակին։
Պորտուգալացին, ով երեկվա դուբլից հետո խփել է 956-րդ գնդակը, երրորդ անգամ անընդմեջ ճանաչվել է Մերձավոր Արևելքի տարվա լավագույն ֆուտբոլիստ։
«Սա իմ սիրելի արարողություններից մեկն է, քանի որ տեսնում եմ շատ հրաշալի մարդկանց, հատկապես կնոջս, ով միշտ այստեղ է՝ ինձ, իմ երեխաներին, ծնողներիս և թիմակիցներիս աջակցելու համար։
Ինձ համար դժվար է շարունակել խաղալ, բայց կիրքը գերակշռում է։ Ես դեռ շատ մոտիվացված եմ, այդ պատճառով էլ դեռ խաղում եմ։ Ես միշտ ուզում եմ խաղալ, գոլեր խփել, գավաթներ նվաճել, գոլեր խփել։ Ես ուզում եմ շարունակել։
Դուք գիտեք, թե որն է իմ նպատակը։ Ես ուզում եմ որքան հնարավոր է շատ գավաթներ նվաճել և հասնել այն թվին, որը դուք բոլորդ գիտեք։ Ես անպայման կանեմ դա… Եթե վնասվածքներ չլինեն, ինշալլահ («եթե դա Աստծո կամքն է», «եթե Աստված կամենա»)։ Շնորհավոր Նոր Տարի»,- ասել է Ռոնալդուն։
