ԱՄՆ նախագահ Դոնալդ Թրամփը հայտարարել է, որ հույս ունի շատ արագ անցնել Գազայի՝ 20 կետանոց խաղաղության ծրագրի երկրորդ փուլին:
«ՀԱՄԱՍ-ը «թանկ կվճարի», եթե շուտով չզինաթափվի»,- հավելել է Թրամփը:
Նեթանյահուի հետ հանդիպումից հետո տեղի ունեցած մամուլի ասուլիսի ժամանակ Թրամփը նշել է, որ Իսրայելը «100%-ով ճիշտ ուղու վրա է»:
Հարցին, թե երբ պետք է ՀԱՄԱՍ-ը և Իսրայելը անցնեն խաղաղության ծրագրի երկրորդ փուլին, Թրամփը պատասխանել է. «Հնարավորինս արագ։ Բայց զինաթափումը պետք է տեղի ունենա: Եթե ՀԱՄԱՍ-ը չզինաթափվի պայմանավորվածության համաձայն, թանկ կվճարի դրա համար»։
Գազայի խաղաղության ծրագիրը ուժի մեջ է մտել հոկտեմբերին: Երկրորդ փուլում նախատեսվում է տեխնոկրատական կառավարության ստեղծում ավերված տարածքում, ՀԱՄԱՍ-ի զինաթափում և իսրայելական զորքերի դուրսբերում: Դրանից հետո կսկսվի Գազայի վերակառուցումը:
