ԱՄՆ պետքարտուղար Մարկո Ռուբիոն իր ֆրանսիացի գործընկերոջ հետ հեռախոսազրույցի ընթացքում հայտարարել է, որ ԱՄՆ-ը չի ծրագրում ներխուժել Գրենլանդիա: Այս մասին հայտնել է Ֆրանսիայի ԱԳ նախարար Ժան Նոել Բարրոն:
Wall Street Journal պարբերականն ավելի վաղ, վկայակոչելով աղբյուրներին, հայտնել էր, որ Ռուբիոն բարձրաստիճան պաշտոնյաների հետ փակ ճեպազրույցի ժամանակ հայտարարել Է, որ Վաշինգտոնը Գրենլանդիա ներխուժելու պլաններ չունի: Պետքարտուղարի խոսքով ՝ ԱՄՆ-ի նպատակը Դանիայից կղզին գնելն է։
«Ես երեկ հեռախոսազրույց եմ ունեցել ԱՄՆ պետքարտուղար Մարկո Ռուբիոյի հետ։ Նա հաստատել է, որ դա (Գրենլանդիա ներխուժելու գաղափարը – խմբ.) այն մոտեցումը չէ, որին որդեգրել է Միացյալ Նահանգները», – հայտարարել է Բարրոն Radio France ռադիոկայանի եթերում ։
