Հայ Առաքելական Սուրբ Եկեղեցու բարեփոխումների համակարգող խորհուրդը հայտարարություն է տարածել՝ նշելով, որ եկեղեցական կյանքը լրջորեն խաթարված է և ընթանում է բնական ու կանոնական կարգից դուրս։
«Մենք ոչ լեգիտիմ և մերժման ենթակա ենք համարում ս.թ. հունվարի 10-ին Ամենայն Հայոց Վեհափառ Հայրապետի գահը զբաղեցնող անձի կողմից հրապարակված Մասյացոտնի թեմի առաջնորդ Տեր Գևորգ եպիսկոպոս Սարոյանի նկատմամբ անարդար մեղադրանքների հնչեցումն ու անօրինական ցուցումների պարտադրումը»,- ասվում է Հայաստանյայց Առաքելական Սուրբ Եկեղեցու բարեփոխումների համակարգող խորհրդի տարածած հայտարարության մեջ:
Համակարգող խորհրդի հայտարարության մեջ շեշտվում է, որ տեղի ունեցող գործընթացները լուրջ ազդեցություն են թողնում եկեղեցու ներքին կյանքի վրա և չեն համապատասխանում գործող եկեղեցական կանոններին ու ավանդույթներին։
