«Վարչապետն ինքը չի որոշում և այդպես անում, վարչապետն արտահայտում է իր դիրքորոշումը, կարծիքը։ Ինչ-որ տեղ տեսե՞լ եք վարչապետի որոշում»,- Մասիսի Սուրբ Թադեոս եկեղեցու դիմաց ասաց Վեդի խոշորացված համանքի ղեկավար Գարիկ Սարգսյան՝ պատասխանելով Փաշինյանի հայտարարությունն այն մասին, որ առոչինչ է համարում հայոց կաթողիկոս Գարեգին Երկրրորդի որոշումը՝ կարգալուծ անել Մասյացոտնի թեմի առաջնորդ Գևորգ եպիսկոպոս Սարոյանին։
Սարգսյանը հայտարարեց, թե Փաշինյանը չի խախտում Սահմանադրությունը և Գարեգին Երկրորդի՝ Մասյացոտնի թեմի առաջնորդին կարգալուծ անելու որոշում առոչինչ անելու ստորագրած որոշում չունի, ընդամենն իր դիրքորոշումն է հայտնել։
Ըստ ՔՊ-ական համայնքապետի, Եկեղեցին է խառնվել պետության գործերին՝ իր հայտարարություններով, իսկ Նիկոլ փաշինյանն իր հայտարարություններով և գործողություններով չի խառնվում։
Համայնքի ղեկավարը վստահեցրեց, որ որևէ մեկին չեն ստիպել, որ գան և մասնակցեն Փաեշինյանի ներկայությամբ կարգալույծ եղած թեմի նախկին ղեկավարի պատարագին՝ լրագրողներին հորդորելով հարցնել, թե ներկաներին արդյոք պարտադրել են մասնակցել պատարագին։
Գևորգ Սարգսյանը ասաց, որ տեղյակ չէ, որ «Վեդի Ալկո» գործարանի աշխատակիցները խմբերով են մասնակցում պատարագին։
