Ռումինիան պատրաստ է միավորվել Մոլդովայի հետ

Ռումինիան պատրաստ է լրջորեն քննարկել Մոլդովայի հետ միավորման հարցը․ հայտարարել է Ռումինիայի նախագահի խորհրդական Եվգեն Տոմակը Calea Europeană-ին տված հարցազրույցում։

Նա ընդգծել է, որ Բուխարեստի և Քիշնևի ընդհանուր նպատակն է բոլոր միջոցներով աջակցել Մոլդովայի եվրաինտեգրման գործընթացի արագացմանը։

Անցյալ տարի Բեռլին կատարած այցի նախօրեին գերմանական մամուլին տված հարցազրույցում Ռումինիայի նախագահ Նիկուսոր Դանը հայտարարել էր, որ անձնապես ցանկանում է միավորում Մոլդովայի հետ, բայց քանի դեռ հարևան երկրի քաղաքացիները աջակցում են կառավարման ներկայիս ձևին, Ռումինիան ոչինչ չի անի։