ՀՀ էկոնոմիկայի նախարարությունում նախարար Գևորգ Պապոյանի գլխավորությամբ կայացել է աշխատանքային խորհրդակցություն, որի ընթացքում ամփոփվել են նախորդ տարվա արդյունքներն ու նախանշվել առաջիկա ծրագրային առաջնահերթությունները։
«Նշեցի, որ երեկ կնքված փաստաթուղթը ևս մեկ անգամ հաստատում է՝ Հայաստանը շարժվում է տարածաշրջանային ապաշրջափակման և խաղաղ զարգացման ճանապարհով, և այդ պայմաններում մեր անելիքներն էականորեն տարբերվում են նախորդ տարիներից։ Առաջիկա փուլում գերակա են լինելու տնտեսության աճը, մրցունակության և արտադրողականության բարձրացումը՝ լիովին համահունչ հաստատված խաղաղության օրակարգին։
Խորհրդակցության ավարտին տվել եմ համապատասխան հանձնարարականներ՝ ծրագրերի արդյունավետ իրականացման և համակարգված աշխատանքի ապահովման ուղղությամբ»,- գրել է Պապոյանը։
