Bloomberg-ը, հղում անելով կազմակերպության նախագծի կանոնադրությանը, հաղորդում է, որ ԱՄՆ նախագահ Դոնալդ Թրամփի վարչակազմը Գազայի խաղաղության խորհրդում մշտական տեղ զբաղեցնելու ցանկություն ունեցող երկրներից խնդրել է 1 միլիարդ դոլար ներդնել։
Փաստաթղթի համաձայն՝ Թրամփը կդառնա Խորհրդի առաջին նախագահը և կորոշի, թե ով կընդունվի կազմակերպություն։ Յուրաքանչյուր երկիր կունենա մեկ ձայն, և Խորհրդի որոշումները կկայացվեն մեծամասնության քվեարկությամբ, սակայն բոլոր որոշումները ենթակա են նախագահի հաստատմանը։
Նախագծում նշվում է, որ անդամ երկիրը նշանակվում է ոչ ավելի, քան երեք տարի ժամկետով, սակայն այս կանոնը չի տարածվում այն երկրների վրա, որոնք առաջին տարվա ընթացքում Խորհրդին նվիրաբերում են առնվազն 1 միլիարդ դոլար կանխիկ գումար։
