«ՆԱՏՕ-ն 20 տարի շարունակ Դանիային ասում է. «Դուք պետք է հետ մղեք ռուսական սպառնալիքը Գրենլանդիայից»։ Ցավոք, Դանիան ոչինչ չի կարողացել անել դրա դեմ։ Հիմա ժամանակը եկել է, և դա կարվի», – գրել է ԱՄՆ նախագահը TruthSocial սոցիալական ցանցում։
Դոնալդ Թրամփը բազմիցս հայտարարել է Գրենլանդիան ԱՄՆ վերահսկողության տակ վերցնելու իր մտադրության մասին։
Նա պնդել է, որ ԱՄՆ-ն «ազգային անվտանգության շահեր» ունի Գրենլանդիայում, քանի որ կղզու շուրջը գտնվող ջրերը լի են ռուսական և չինական նավերով։ Սակայն Դանիայի զինված ուժերը հերքել են ԱՄՆ նախագահի հայտարարությունը, նշելով, որ Գրենլանդիայի մոտակայքում ռուսական կամ չինական նավեր չկան։
