Իլոն Մասկը կոչ է արել մարդկանց դադարեցնել ChatGPT չաթբոտի հետ շփվելը՝ օգտատերերի ինքնասպանության մասին հաղորդագրություններից հետո։
«Մի թողեք, որ ձեր սիրելիները օգտագործեն ChatGPT-ը»,- գրել է նա X-ում։
Մասկը պատասխանել է մի գրառման, որտեղ պնդվում էր, որ ChatGPT-ն կապված է ինը օգտատերերի մահվան հետ, այդ թվում՝ դեռահասների։ Հինգ դեպքում չաթբոտի հետ փոխազդեցությունը, ենթադրաբար, հանգեցրել է ինքնասպանության։
2022 թվականին ամերիկյան OpenAI ընկերությունը ներկայացրել է ChatGPT-ը՝ մի ծառայություն, որը կարող է ինտերակտիվորեն երկխոսության մեջ մտնել օգտատերերի հետ։ Չաթբոտը կարող է պատասխանել հարցերին, ընդունել իր սխալները, վիճարկել սխալ ենթադրությունները և մերժել անպատշաճ հարցումները։
