Հայաստանի կառավարությունը արծրունհովհաննիսյանական ոճով Ստոկհոլմում պարտությունը հաղթանակ է ներկայացնում: Այս մասին գրառում է կատարել «Մեր ձևով» շարժման համակարգող Նարեկ Կարապետյանը։
«Ստոկհոլմի արբիտրաժը Վերահաստատել է ամռանը կայացրած որոշումը , որտեղ պարտավորեցնում է Հայաստանի կառավարությանը զերծ մնալ ՀԷՑ-ի դեմ որևէ քայլից:
Եվ մերժել Հավելյալ միջոց կիրառելու անհրաժեշտությունը մինչև քննության ավարտը:
Սպասում ենք Հայաստանի կառավարության օրինապահ վարքագծին, այն է` ՀԷՑ-ի դեմ քայլերի անվերապահ դադարեցմանը:
Նրանք շարունակում են վնասել մեր տնտեսությանը, և ներկայացնում իրենց պարտությունը որպես հաղթանակ ինչպես միշտ»,- գրել է նա։
Ավելի վաղ հայտնել էինք Ստոկհոլմի արբիտրաժային տրիբունալը մերժել է ՀԷՑ-ի գործով Կարապետյանների միջնորդության բոլոր պահանջները։
