ԱՄՆ վարչակազմը Կիևին հասկացրել է, որ Ուկրաինային անվտանգության երաշխիքներ կտրամադրվեն այն դեպքում, եթե նա համաձայնի զորքերը դուրս բերել Դոնբասից, գրում է Financial Times-ը։
«ԱՄՆ-ը կարծում է, որ պատերազմը դադարեցնելու համար Կիևը պետք է հրաժարվի Դոնբասից», – նշվում է հրապարակման մեջ։
Financial Times-ի տվյալներով՝ Սպիտակ տունը նաև հայտնել է, որ խաղաղ ժամանակ պատրաստ է խոստանալ Ուկրաինայի զինված ուժերին լրացուցիչ զինատեսակների մատակարարումներ, եթե Կիևը դուրս բերի զորքերը Դոնբասի իր վերահսկողության տակ գտնվող շրջաններից։
Քննարկվող ամերիկյան երաշխիքները կարող են ներառել ձևակերպումներ, որոնք նման են ՆԱՏՕ-ի հավաքական պաշտպանության հոդվածին, այդ թվում՝ հնարավոր հարձակման դեպքում համակարգված ռազմական արձագանքի խոստում։
FT-ի հետ զրույցում ուկրաինացի բարձրաստիճան պաշտոնյան նշել է, որ երաշխիքների հարցը ամեն անգամ հետաձգվում է հենց այն պահին, երբ դրանք հնարավոր կլիներ ամրագրել։ Նրա խոսքով՝ Ուկրաինան պնդում է հստակ պարտավորությունների ստացումը նախքան որևէ տարածքային զիջումների քննարկումը։
Միևնույն ժամանակ Սպիտակ տանը պաշտոնապես հերքում է այս տեղեկատվությունը՝ այն անվանելով կեղծ։ ԱՄՆ վարչակազմի փոխխոսնակ Աննա Քելլին հայտարարել է, որ նման հրապարակումները խաթարում են խաղաղ գործընթացը՝ Աբու Դաբիում վերջերս տեղի ունեցած եռակողմ հանդիպումից հետո։ ԱՄՆ-ի միակ դերը խաղաղ գործընթացում կողմերին մերձեցնելն է՝ գործարք կնքելու համար։
