Associated Press-ի տվյալներով՝ ձնաբքի հետևանքով ԱՄՆ-ում գրանցվել է առնվազն 30 մահ։ FlightAware-ի տվյալներով՝ երկուշաբթի ավելի քան 5 100 չվերթ արդեն չեղարկվել է։ Ամենաշատը տուժել են Դալասից, Բոստոնից և Նյու Յորքից մեկնող թռիչքները։
Ուրբաթ օրվանից ի վեր փոթորկի պատճառով չեղարկվել է ավելի քան 20 000 չվերթ։ Կիրակի օրը չեղարկվել է ավելի քան 11 000 թռիչք։ Առատ ձյան տեղումների պատճառով ավելի քան 650 000 բաժանորդ շարունակում է մնալ առանց էլեկտրաէներգիայի։ Ամենաշատը տուժել են Թենեսի, Միսիսիպի, Լուիզիանա և Տեխաս նահանգները։
