«Ինչո՞ւ Հանրապետության նախագահը Դավոսում շնորհակալություն հայտնեց Իլհամ Ալիևին։ Կխնդրեմ ասեք Ձեր գնահատականը, ինչի՞ համար շնորհակալություն հայտնեց, Եռաբլուրի՞, զոհերի՞, հայաթափված Արցախի՞»,-լրագրողը նման հարց ուղղեց «Եռաբլուր» զինվորական պանթեոն եկած ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։
Քաղաքական գործիչն ի պատասխան նշեց՝ լրագրողն հարցի մեջ արդեն ամեն ինչ ասաց։
«Գիտե՞ք, անհասկանալի է այս մարդկանց, միգուցե մարդ էլ պետք չի իրենց ասել, պահվածքն ու մոտեցումը։ Անկեղծ, ցավում եմ, որ նման իրավիճակ ունենք, բայց հուսով եմ, որ առաջիկայում այս ամենը կշտկվի»,-պատասխանեց Ա. Վանեցյանը։
