ԱՄՆ նախագահ Դոնալդ Թրամփը Truth Social սոցիալական ցանցում գրել է, որ մեծածավալ ռազմածովային նավատորմ է շարժվում Իրանի ուղղությամբ։
«Այն ավելի հզոր է, քան Վենեսուելայի ուղղությամբ ուղարկված նավատորմը և պատրաստ է անհրաժեշտության դեպքում արագ ու ուժգին գործողությունների։ Նավատորմը շարժվում է արագությամբ, մեծ ուժով, ոգով և հստակ նպատակով։ Հուսով եմ՝ Իրանը կվերադառնա բանակցությունների սեղան և կհամաձայնի արդար ու հավասարակշռված պայմանագրի շուրջ։ Ժամանակը սպառվում է։ Հաջորդ հարձակումը շատ ավելի ծանր կլինի։ Մի՛ թույլ տվեք, որ դա կրկնվի», – գրել է Թրամփը։
