ՀՀ երկրորդ նախագահ Ռոբերտ Քոչարյանը հայտարարել է, որ հիմա քննարկում են, թե ով կգլխավորի իրենց նախընտրական ցուցակը։
«Մենք քննարկումների մեջ ենք, և ես կոռեկտ չեմ համարում հիմա հնչեցնել մեր քննարկումների բովանդակությունը։ Ընթացքը գնում է։ Վերջնական լուծում ունենալու ենք փետրվար ամսին»,–ասել է նա՝ հավելելով,- «Այսօր այն հրապարակումները, որ այլ լրատվամիջոցներում կար այլ սոցիոլոգիական ուսումնասիրությունների առումով, ցույց է տալիս, որ դեռ, այո, ես եմ ավելի մեծ հավանական թեկնածուն, որը կգլխավորի ցուցակը։ Այսօրվա վրա այդպես է։ Բայց վերջնական որոշում կայացնելու համար պետք է ինքս հասկանամ՝ ինչքանով է սա արդյունավետ լինելու ողջ թիմի համար»։
Քոչարյանի խոսքով, հիմա իրենք ավելի լավ դիրքերով են գնում ընտրության, քան՝ 2021թ․։ «Անկասկած, նոր մարդիկ են լինելու ցուցակում»,- ասել է նա։
