«ՀԱՊԿ-ի նկատմամբ ես էլ ունեմ որոշակի հիասթափություն, որը գալիս է հետևյալից. իրականում ՀԱՊԿ-ի անդամ բոլոր երկրները, բացի ՌԴ-ից, Ադրբեջանի հետ ունեն շատ ավելի լավ հարաբերությւոններ, քան ՀՀ-ի հետ: Սա արդեն խնդիր է մեզ համար: Ի՞նչ ենք արել մենք, որ մեր հարաբերությւոնները չփչացնենք ՀԱՊԿ-ի հետ: Հակառակը՝ արել ենք ամեն ինչ, որ այս պատկերը ստեղծվի»,- ասուլիսի ժամանակ հայտարարել է ՀՀ երկրորդ նախագահ Ռոբերտ Քոչարյանը:
Նա ընդգծել է, որ պետք է ՀԱՊԿ-ին դիտենք հետևյալ կերպ. «ՀԱՊԿ-ն ինքն իրենով, առանց ՌԴ-ի, ի՞նչ է իրենից ներկայացնում. ոչինչ»: «Օրինակ, եթե ՆԱՏՕ-ից ԱՄՆ-ն դուրս գա, ի՞նչ կմնա տակը՝ 80 տոկոս ծախսերը ԱՄՆ-ի ծախսերն են: ՀԱՊԿ-ին նայենք որպես ռուսաստանակենտրոն մի կառույց»,- հավելել է նա:
