Ոսկու գինը հինգշաբթի օրը հասել է պատմական նոր առավելագույնի՝ մոտ 5600 դոլար՝ մեկ ունցիայի դիմաց։ Ներդրողները փնտրում են ապահով ապաստան աշխարհաքաղաքական լարվածության սրման և ԱՄՆ-ում տնտեսական ազդանշանների թուլացման ֆոնին։
Արծաթի գինը ևս բարձրացել է 120 դոլարից վեր։
Տարեսկզբից ոսկու գինը բարձրացել է ավելի քան 27%-ով։ ԱՄՆ-ում քաղաքական անորոշությունը, աշխարհաքաղաքական լարվածության բարձրացումը և տնտեսական անկայունությունը ներդրողներին ստիպում են փնտրել ապահովություն ոսկու մեջ։
«Ոսկու «կատարյալ փոթորիկը» շարունակվում է. ԱՄՆ-Իրան լարվածությունը, թույլ դոլարը և շուկայի սպասումները, որ Դաշնային պահուստային համակարգը կշարունակի տոկոսադրույքների իջեցումը, գները տանում են անվերջ նոր ռեկորդների։ Դրան գումարվում են նաև ETF-ների ուժեղ ներհոսքերը», – նշել է Nemo.money շուկայի վերլուծաբան Ջեյմի Դուտան։
