Կարծում եմ՝ պատերազմը պետք է հասցնել ավարտին. Կադիրով

Չեչնիայի ղեկավար Ռամզան Կադիրովը հայտարարել է, որ Ռուսաստանը պետք է պատերազմը Ուկրաինայում հասցնի մինչև վերջ և չմտնի բանակցությունների։ Նրա խոսքով՝ Մոսկվան չպետք է քննարկի հակամարտության ավարտը դիվանագիտական ճանապարհով։

«Կարծում եմ՝ պատերազմը պետք է հասցնել ավարտին… Ես դեմ եմ բանակցություններին», — ասել է Կադիրովը լրագրողներին Կրեմլում, որտեղ Ռուսաստանի նախագահ Վլադիմիր Պուտինը հանդիպում էր Արաբական Միացյալ Էմիրությունների նախագահի հետ։

Նրա հայտարարությունը արտացոլում է ռուսական կոշտ գծի կողմնակիցների շրջանում տարածված տեսակետը, ըստ որի Ռուսաստանը հաղթում է արդեն չորրորդ տարին շարունակվող պատերազմում և պետք է շարունակել ռազմական գործողությունները, նույնիսկ այն պայմաններում, երբ ԱՄՆ նախագահ Դոնալդ Թրամփը ակտիվացնում է դիվանագիտական ջանքերը՝ հակամարտությունը ավարտելու նպատակով։ Միևնույն ժամանակ, Կրեմլը նշում է, որ վերջնական որոշումը՝ երբ և ինչպես դադարեցնել պատերազմը, մնում է բացառապես Վլադիմիր Պուտինի ձեռքում՝ ընդգծելով, որ Ռուսաստանը նախընտրում է հասնել իր նպատակներին դիվանագիտության միջոցով, սակայն անհրաժեշտության դեպքում կշարունակի ռազմական ճանապարհով, գրում է reuters-ը ։