Ուկրաինայի նախագահ Վլադիմիր Զելենսկին կտրականապես մերժել է Մոսկվայում Ռուսաստանի նախագահ Վլադիմիր Պուտինի հետ հանդիպման հնարավորությունը, փոխարենը հրապարակայնորեն հրավիրել է Կրեմլի առաջնորդին Կիև։ Այս մասին հաղորդում է РБК-Украина-ն՝ մեջբերելով Զելենսկու հայտարարությունը։
«Թող գա, եթե, իհարկե, համարձակվի»,- ասել է Զելենսկին։
Նրա խոսքով Ուկրաինան լուրջ է վերաբերվում պատերազմն ավարտելու անհրաժեշտությանը, այդ պատճառով ընդունելի է առաջնորդների մակարդակով ցանկացած իրական հանդիպման ձևաչափ։
«Չգիտեմ՝ ինչ արդյունք կտա։ Բայց, առնվազն, ավելի շատ արդյունք, քան այն, ինչ տեղի է ունենում այսօր։ Իհարկե, մենք միշտ կողմ ենք, որ գործընթացում լինեն նաև եվրոպացիները»,- հավելել է Զելենսկին։
