Իսրայելական իշխանությունները հայտարարել են, որ շաբաթավերջին երկու ուղղությունով կվերաբացվի Գազայի հետ սահմանային անցակետը։ Սա թույլ կտա պաղեստինցիներին՝ գրեթե երկու տարի փակ լինելուց հետո ելումուտ անել տարածք։
Գազայի օգնությունը համակարգող իսրայելական ռազմական մարմինը՝ COGAT-ը, ուրբաթ օրը հայտարարության մեջ նշել է, որ թույլատրվելու է «միայն մարդկանց սահմանափակ տեղաշարժ»։
Ռաֆահ անցակետի վերաբացումը կարևոր քայլ կլինի ԱՄՆ նախագահ Դոնալդ Թրամփի՝ Գազայի հրադադարի ծրագրի համար։ Անցակետը, որը Գազայի արտաքին աշխարհի գլխավոր դարպասն է, մեծ մասամբ փակ է եղել 2024 թվականի մայիսից։
Հաղորդվում է, որ և՛ Իսրայելը, և՛ Եգիպտոսը կստուգեն անցակետով անցնող անձանց, որոնք կհսկվեն Եվրամիության սահմանապահ ծառայության աշխատակիցների կողմից։
Պատերազմի ժամանակ Գազան լքած պաղեստինցիներին կթույլատրվի վերադառնալ Իսրայելի անվտանգության թույլտվությունը ստանալուց հետո։
Իսրայելը դեմ էր անցակետի վերաբացմանը, սակայն երկուշաբթի օրը Գազայում պահված վերջին պատանդի մնացորդների հայտնաբերումը հարթել է այս գործընթացը։
