ՆԱՏՕ-ի հինգ երկրների ռազմածովային ուժերը փետրվարի 2-ին Նորվեգիայի արևմտյան ափերի մոտ մեկնարկում են Arctic Dolphin 26 11-օրյա հակասուզանավային վարժանքները, որոնց ընթացքում կկատարելագործվեն արկտիկական պայմաններում սուզանավերի որոնման և ոչնչացման գործողությունները։ Այս մասին հաղորդում է Հյուսիսատլանտյան դաշինքի մամուլի ծառայությունը:
Վարժանքներին մասնակցում են դաշինքի անդամ երկրներից սուզանավեր, նավեր, ուղղաթիռներ և հակասուզանավային ինքնաթիռ, ինչպես նաև ՆԱՏՕ-ի Առաջին մշտական ծովային խմբի (SNMG1) նավերը։
Մասնավորապես, վարժանքներում գործարկվում են նորվեգական ֆրեգատ և սուզանավ, բրիտանական և նիդեռլանդական սուզանավեր, ինչպես նաև Գերմանիայից մեկ սուզանավ և երկու օժանդակ նավ։ Ավիացիոն բաղադրիչը ներկայացված է դանիական ուղղաթիռներով և բրիտանական P8 հակասուզանավային պարեկային ինքնաթիռով։
Սրանք կարևոր վարժանքներ են ոչ միայն Նորվեգիայի ռազմածովային ուժերի, այլև ՆԱՏՕ-ի համար։
«Դրանք ցույց են տալիս ՆԱՏՕ-ի հանձնառությունը Հյուսիսում իր ներկայությանը և մեզ հնարավորություն են տալիս կարևոր համատեղ վարժանքներ անցկացնել մի քանի դաշնակցի հետ», – հայտարարել է Նորվեգիայի Թագավորական ռազմածովային ուժերի հրամանատար Կիրե Հաուգենը։
