Ամերիկացի միլիարդատեր Էլոն Մասկը կարծում է, որ Միացյալ Նահանգներում արդեն սկսվել է նոր քաղաքացիական պատերազմ։
Նա այս կարծիքը հայտնել է X սոցիալական ցանցում հրապարակված գրառման մեկնաբանության մեջ, որի հեղինակը պնդում է, որ ներկայիս վարչակազմի և լիբերալ ուժերի միջև բախումը, այդ թվում՝ ներգաղթի կիրարկման դեմ բողոքի ցույցերը, նշանավորում են «Քաղաքացիական պատերազմ 2.0»-ի սկիզբը։
«Կարծում եմ՝ այո», – գրել է Մասկը մեկնաբանությունների բաժնում։
Գազետա.ռու-ն գրում է, որ անցյալ ուրբաթ մի քանի հազար մարդ դուրս էին եկել Մինեապոլիս քաղաքի (Մինեսոտա) փողոցներ: ICE-ի իրավապահ մարմինների գործողությունների դեմ բողոքի ցույցեր են տեղի ունեցել նաև Լոս Անջելեսում, Բոստոնում, Նյու Յորքում և Օրեգոն նահանգի Պորտլենդում։
