Նախագահ Թրամփի պատմական խաղաղության գագաթնաժողովից ի վեր, որը միավորեց Հայաստանը և Ադրբեջանը, մենք շարունակել ենք խթանել «Թրամփի երթուղու» ծրագիրը։ Բիշքեկում կայացած B5+1 բիզնես ֆորումում ասել է Հարավային և Կենտրոնական Ասիայի հարցերով Թրամփի հատուկ բանագնաց Սերջիո Գոռը։
«Այս երթուղին կապահովի անխափան տրանսպորտային կապեր Կենտրոնական Ասիայից Հարավային Կովկասի և ավելի արևմուտքի։ Սա պատմական քայլ է տարածաշրջանում ուժեղ, փոխկապակցված տնտեսություններ կառուցելու և կայուն խաղաղություն պահպանելու ուղղությամբ»,- ասել է նա։
Նա նշել է, որ Թրամփի վարչակազմը հատուկ նշանակություն է տալիս Կենտրոնական Ասիային և, ի տարբերություն նախորդ վարչակազմերի, ճանաչում է տարածաշրջանի ռազմավարական նշանակությունը։ Գոռը նաև ընդգծել է, որ այստեղ ներկայացված ամերիկյան ընկերությունները կազմում են ԱՄՆ ամենամեծ և ամենածավալուն առևտրային պատվիրակությունը, որը երբևէ այցելել է Կենտրոնական Ասիա։
Նշենք, որ երկօրյա B5+1 բիզնես ֆորումը բացվել է Բիշքեկում, փետրվարի 4-ին՝ միավորելով Կենտրոնական Ասիայի երկրների և Միացյալ Նահանգների բիզնես ներկայացուցիչներին և կառավարության պաշտոնյաներին։
