ՆԱՏՕ-ն սկսել է «Արկտիկական պահապան» առաքելության ռազմական պլանավորումը, որն ուղղված է Գրենլանդիայի անվտանգության ապահովմանը։ Այս մասին հայտարարել է ՆԱՏՕ-ի Եվրոպայում դաշնակից ուժերի կենտրոնական շտաբի (SHAPE) խոսնակ, գնդապետ Մարտին Օ’Դոնելը, ըստ AFP-ի։ Նա հրաժարվել է մանրամասներ բացահայտել, քանի որ առաքելության նախապատրաստական աշխատանքները նոր են սկսվել։
Bloomberg-ի տվյալներով՝ Գերմանիան է նախաձեռնել «Արկտիկական պահապան» առաքելությունը։ Գործակալության աղբյուրները հայտնել են, որ ՆԱՏՕ-ն կարող է որպես մոդել օգտագործել 2025 թվականի հունվարին Բալթիկ ծովում կարևորագույն ենթակառուցվածքները պաշտպանելու համար մեկնարկած «Բալթիկ պահապան» առաքելությունը։
Հունվարի 16-ին Մեծ Բրիտանիայի արտաքին գործերի նախարար Իվետ Քուփերը «The Daily Mirror»-ին տված հարցազրույցում հայտարարել է, որ Մեծ Բրիտանիան աջակցում է «Արկտիկական պահապան» առաքելության ստեղծմանը։ Նա նշել է, որ Մեծ Բրիտանիան չի կիսում ԱՄՆ դիրքորոշումը Գրենլանդիայի հարցում և հարգում է կղզու ինքնիշխանությունը որպես Դանիայի մաս։
