Խաղաղ կարգավորման դուռը բաց է. Պեսկով

Ռուսաստանի զինված ուժերը հարվածում են Ուկրաինայում ռազմական համալիրների հետ կապված թիրախներին, հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Մինչև Կիևի ռեժիմը համապատասխան որոշումներ կայացնի, հատուկ ռազմական գործողությունը շարունակվում է, և մեր զինվորականները հարվածում են այն թիրախներին, որոնք, նրանց կարծիքով, կապված են Կիևի ռեժիմի ռազմական համալիրի հետ»,- լրագրողներին ասել է Պեսկովը։

Նա պատասխանել է Ուկրաինայի էներգետիկ ենթակառուցվածքներին հարվածների նպատակի մասին հարցին։ Նա նաև մեկնաբանել է այն մեղադրանքները, որ Ռուսաստանը փորձում է դժգոհություն առաջացնել ուկրաինական բնակչության շրջանում՝ Կիևի վրա ճնշում գործադրելու համար։

«Ռուսաստանը շարունակում է իր հատուկ ռազմական գործողությունը, խաղաղ կարգավորման դուռը բաց է, և Ռուսաստանը մնում է բաց։ Մեր դիրքորոշումը պարզ է, և այն լավ հասկանում են և՛ Կիևի ռեժիմը, և՛ ամերիկացի բանակցողները, ովքեր իրենց բարի ծառայությունները մատուցում են այս եռակողմ բանակցությունների անցկացման գործում, և որոնց մենք շնորհակալ ենք նրանց ջանքերի համար», – ասել է Պեսկովը։