ՊԵԿ նախագահ Էդուարդ Հակոբյանը հյուրընկալել է Հայաստանի Հանրապետությունում Իրանի Իսլամական Հանրապետության նորանշանակ արտակարգ և լիազոր դեսպան Խալիլ Շիրղոլամիին։
«Շնորհավորելով դեսպանին նշանակման կապակցությամբ՝ հույս եմ հայտնել, որ նրա գործունեությունը կնպաստի հայ-իրանական ավանդաբար ձևավորված բարեկամական հարաբերությունների հետագա ամրապնդմանն ու զարգացմանը։
Հանդիպման ընթացքում քննարկել ենք երկու երկրների միջև միջսահմանային առևտրային հոսքերի դյուրացմանն ուղղված համագործակցության մի շարք կարևոր ուղղություններ։ Անդրադարձ ենք կատարել նաև լիազորված տնտեսական օպերատորների փոխադարձ ճանաչման նպատակահարմարությանն ու այդ ծրագրի իրականացմանն ուղղված քայլերին։
Զրույցի ընթացքում նշել եմ, որ իրականացված բարեփոխումների արդյունքում արձանագրել ենք բեռնատարների օրական միջին թողունակության էական ցուցանիշներ, ինչպես նաև փոխադարձ պայմանավորվածությունների շնորհիվ զգալիորեն ավելացել են ՀՀ–ԻԻՀ առևտրաշրջանառության ծավալները։ Ընթացող բարեփոխումների շրջանակում նախատեսվում է առաջիկա տարվա ընթացքում սահմանն ամբողջությամբ վերազինել նոր սարքավորումներով»։
