Բոլոր հարցերը քննարկվելու են։ Օրակարգում ավելի կարևոր և ավելի հետաքրքիր հարցեր էլ կան, դա էլ է հետաքրքիր ու կարևոր, բայց ավելի հետաքրքիր ու կարևոր հարցեր կան,- ասել է ՀՀ էկոնոմիկայի նախարար Գևորգ Պապոյանը՝ անդրադառնալով հարցին, թե ԱՄՆ փոխնախագահ Վենսի այցի ժամանակ արդյոք Իրանի հետ կապված քննարկումներ լինելու են։
Նա հավելել է, որ կան նոր ներդրումային ծրագրեր, նոր հնարավորություններ, որոնք ևս քննարկվելու են այցի ընթացքում. «Մոտ 50 միլիոն դոլարի արտահանում ենք ունեցել ԱՄՆ նախորդ տարի։ Ապրանքներ կան, եթե մաքսատուրքը 10-ը 25-ի վերածվի, մրցունակությունը կկորցնեն։ Բայց ես մամուլից եմ տեղեկացել, նոտա չենք ստացել ԱՄՆ-ի կողմից»։
