Խոսել Դիլիջանի ծրագրի մասին և չհիշատակել Ռուբեն Վարդանյանի անունը՝ ազնիվ չէ. Խաչատրյանը՝ Պապոյանին

«Հազիվ էր Վահագն Խաչատրյանն ընտրությունների մասին խոսել, արդեն սկսվեց ընտրարշավը»,-ԱԺ Ֆինանսավարկային և բյուջետային հարցերով մշտական հանձնաժողվում ասաց «Հայաստան» խմբակցության պատգամավոր Արթուր Խարատրյանը։

Մինչ այդ էկոնոմիկայի նախարար Գևորգ Պապոյանը ներկայացրեց ՀՀ-ի և Վերակառուցման և զարգացման միջազգային բանկի միջև «ՀՀ զբոսաշրջության և մարզային ենթակառուցվածքների զարգացման» վարկային համաձայնագիրը՝ նշելով, որ եթե անգլերեն թարգմանեն ծրագրի անվանումը՝ կրկին կոչվում է ԹՐԻՓՓ՝ բայց ավելի վաղ ծրագիր էր։

Նախարարաը հիշեցրեց, որ վարկային ծրագիրը 2016 թվականին ընդունված 49 մլն եվրո վարկային ծրագրի շարունակությունն է, իսկ նորով նախատեսվում է 120.9 մլն եվրո, որից 96.4 մլն եվրոն է վարկային միջոցներ,իսկ կառավարությունը կհամաֆինանսավոր 24.5 մլն-ը։

Գևորգ Պապոյանը մանրամասը ներկայացրեց նախորդ ծրագրով իրականացրած աշխատանքները։

Արթուր Խաչատրյանը հիշեցրեց, որ Պապոյանի ներկայացրած ծրագիրը նախորդ իշխանությունների օորոք է սկսեվել, Գյումրու Ռուսթավելի փողոցը վերանվանվել է Վարչապետի փողոց, գումարներ են բերվել։

«Հիշատակված Դիլիջանի ծրագիրն էլ սկսել է Ռուբեն Վարդանյանը, որին ազատելոի պահանջը կառավարությունից չեմ լսել»,-ասաց ընդդիմադիր պատգամավորը և հավելեց «Խոսել Դիլիջանի ծրագրի մասին և չհիշատակել Ռուբեն Վարդանյանի անունը՝ ազնիվ չէ։ Նշված գինու կլաստերների ստեղծումը, մի օր մնալը, կարծում եմ, որ լավ ժառանգություն եք ստացել և դրա վրա շարունակում եք աշխատել, շնորհավորում եմ»։

ՔՊ-ական պատգամավորները արձագանքեցին թե 2 ահաբեկչի հանձնման դիմաց 4 ՀՀ քաղաքացի են ազատ արձակել Բաքվի բանտից։ Ընդդիմադիր պատգամավորն էլ ճշտեց, որ 3 ՀՀ քաղաքացի են, մեկը՝Լիբանանի, իսկ ինքը ընդամենը նշեց, որ Ռուբեն վարդանյանի մասին իշխող ուժը չի խոսում։

Նշելով, որ չգիտի թե էկոնոմիկայի նախարար Գևորգ Պապոյանը առաջին և վերջին անգամ երբ է եղել Մարմաշենի վանական համալիրում, որը համարում է լքված՝ Խաչատրյանն ասաց. «Մարմաշենի վանքը երբեք լթված չի եղել, բայց դեպի եկեղեցի ճանապարհի այդ հատվածի խնդիր է եղել, որի կառուցման համաձայնությունը ձեք է բերվել 2017-18 թվականին, իսկ կողքի այգու վերանորոգումը և տաղավարների տեղադրումը սկսվել է 2018 թվականի վաղ գարնանը»։

Նա հարցրեց, թե ինչու է հրատապ կարգով վարկային համաձայնագիրը բերվել անհետաձգելի ձևաչափով, ինչին ի պատասխան Պապոյնաը նշեց, որ վարկային համաձայնագիրը պետք է ներդրվի մինչև ապրիլի 19-ը։