Երևանի քաղաքապետ Տիգրան Ավինյանը հակադարձել է ընդդիմադիր խմբակցություններ անդամների ելույթներին։ Նա նշել է, որ քաղաքապետարանի կատարած աշխատանքների վերաբերյալ տարատեսակ քննադատություններ հնչեցին.
«Երբ լսում ես ընդդիմությանը, տարօրինակ սայթաքումներ ես նկատում։ Օրինակ, ասում են՝ փողերը հավաքագրեցիք, ավտոբուսներ գնեցինք։ Այո, հավաքագրեցինք, ավտոբուսներ գնեցինք․ չտարանք՝ մանկապարտեզները 3 կոպեկով գրպանեցինք։ Ճիշտ եք ասում։ Փողերը հավաքագրեցինք, չտարանք՝ Սևանի ափին մեզ դղյակներ սարքեցինք»,- ասել է նա՝ հավելելով,- «Ես հասկանում եմ ձեր ջղաձգումները մանկապարտեզների թեմայով։ Հենց խոսքը վերաբերում է պետբյուջեի վատնմանն ու յուրացմանը, ձեզ մոտ ջղաձգում է առաջանում։ Բնական է»։
