«Իրար նկատմամբ հարձակում անելուց բացի, ունեցել ենք նաև կարևոր գործնական քննարկումներ՝ սկսած ՀՀ տարածքում տարբեր ներդրումներից, վերջացրած ՌԴ-ում ՀՀ մշակույթի օրեր անցկացնելուց, մեր մարզերի ու ռուսական ռեգիոնների միջև պայմանավորվածություններից։ Ժամ ու կես զրուցել ենք»,- ասել է Սիմոնյանը։
Այլ մանրամասներ Սիմոնյանը չի հայտնել, նշելով, որ կոռեկտ չի համարում։ Նա միայն նշել է, որ անկեղծ քննարկումներ են եղել. «Այն, ինչ այստեղ եմ ասել, ասել եմ այնտեղ։ Ինչ իրենք են ասել, նույնը կրկնել են»։
Նրա խոսքով, ռուսական կողմը առաջիկա ընտրություններում իշխող ուժին հաջողություն է մաղթել. «Ինչ-որ պահ մեզ հաջողություններ մաղթեցին գալիք ընտրություններում»։ Հարցին՝ աջակցեցի՞ն, Սիմոնյանն արձագանքել է. «Այո, աջակցեցին, եթե այդպես եք ուզում»։
