«Հայաստանում նոր ատոմակայանի կառուցման վերաբերյալ ռուսական առաջարկներին իրական այլընտրանքներ չկա»,- «Իզվեստիա»-ին տված հարցազրույցում ասել է Ռուսաստանի արտաքին գործերի փոխնախարար Միխայիլ Գալուզինը։
«Մենք հայկական կողմին ներկայացրել ենք մանրամասն մշակված առաջարկների փաթեթ։ «Ռոսատոմը» պատրաստ է հնարավորինս շուտ սկսել նախագծի իրականացումը, բնականաբար հաշվի առնելով մեր հայ ընկերների ցանկությունները։ Հուսալի, ստուգված տեխնոլոգիաների առկայության, ինչպես նաև գրավիչ ֆինանսական պարամետրերի, այդ թվում հաշվի առնելով շինարարությունը, հետագա շահագործումը և մասնագիտների պատրաստմը, վերապատրաստումը, իրական այլընտրանքներ չկան», – ասել է դիվանագետը։
Գալուզինի խոսքով, Մոսկվան մտադիր է այսուհետ ևս հանդես գալ որպես Հայաստանի էներգետիկ անվտանգության երաշխավոր:
«Մեր կողմից մենք մտադիր ենք շարունակել պատասխանատու կերպով կատարել մեր դերը՝ որպես Հայաստանի էներգետիկ անվտանգության երաշխավոր և նպաստել հանրապետության միջուկային արդյունաբերության զարգացմանը։ Ինչպես ցույց է տալիս որոշ եվրոպական երկրների, այդ թվում՝ այնպիսի հսկաների փորձը, ինչպիսին է Գերմանիան, միջուկային էներգիայից հրաժարվելը կարող է թանկ նստել ազգային տնտեսության վրա», – ասել է նա։
Գալուզինը նշել է, որ Ռուսաստանը և Հայաստանը ատոմային էներգիայի խաղաղ օգտագործման ոլորտում համագործակցելու հարցում մեծ փորձ ունեն։
«Մեր գիտնականները նույն խորհրդային «դպրոցից» են և լավ են հասկանում միմյանց։ Մեր մասնագետները ներկայումս իրականացնում են համապարփակ ծրագիր՝ ապահովելու համար, որ կայանը կարողանա հուսալիորեն և արդյունավետորեն գործել մինչև 2036 թվականը։ Մենք վստահ ենք, որ Երևանի ակտիվ աջակցությամբ բոլոր աշխատանքները կավարտվեն ժամանակին», – ասել է Ռուսաստանի փոխարտգործնախարարը։
