Ոչ միայն հոգևորականները, այլ բոլորը քաղաքական հայացքներ ունենալու իրավունք ունեն: Ուրիշ բան է քաղաքական հայացքներ ունենալը, ուրիշ բան է քաղաքական հայացքների միջոցները և ձևերը,- Հանրայինի եթերում ասաց Փաշինյանը:
«Պատարագի խորանն օգտագործել քաղաքական քարոզի համար՝ սրբապղծություն է, որովհետև պատարագը Հիսուս Քրիստոսի և նրա դավանած արժեքրի մասին է: 2020 թվից ի վեր ՀՀ գրեթե բոլոր եկեղեցիներում պատարագների ժամանակ հնչում եմ քաղաքական, ես կասեի ռադիկալ, տեքստեր: Հույս ունեմ կոռեկտ կհնչի համեմատությունը, շատ երկրներում ծայրահեղական իսլամի դրսևորումների դեմ համաշխարհային հանրությունը պայքարում է:
Քրեական գործ են հարուցում, ասում են` ոնց կարող եք հոգևորականի դեմ քրեական գործ հարուցել, ոչ մեկ չի ասում՝ ոնց կարող է հոգևորականը պլանավորի հանրապետության էներգիայի մատակարարումը կասեցնել, խոսի պատերի տակ գնդակահարման մասին»,-նշեց վարչապետը:
