«Հարգելի ժողովուրդ, Հայաստանում բուժօգնությունն ապահովագրության շրջանակներում անվճար չէ։ Անվճար ոչինչ չի լինելուն»,- ասուլիսում ասաց առողջապահության նախարար Անահիտ Ավանեսյանը։
Նա նշեց, որ պետությունը հստակ ծառայությունների համար, որոնց ցանկը հրապարակված է, ունի ապահովագրական փաթեթ առավել փոխհատուցման գներով։
«Այո, ծառայությունների գերաճնշող մասով քաղաքացին այդ ծառայությունը ստանալուց որևէ հավելյալ վճար չի անում։ Այսինքն, իր փոխարեն ամբողջությամբ վճարում է ապահովագրական հիմնադրամը»,- նշեց նա։
Ավանեսյանի ներկայացմամբ, բժշկական կենտրոններում կան և շարունակելու են լինել վճարովի հիվանդասենյակներ։
«Եթե որևէ բժշկական կենտրոնում սպառվել է մահճակալային ֆոնդը, որն, ըստ էության, VIP պալատ չէ, առանձնացված խնամքով պալատ չէ, այո, քաղաքացին պետք է հավելյալ վճարի դրա համար։ Եթե չի ուզում վճարի, պետք է ընտրի այլ բժշկական կենտրոն, որտեղ այդ պալատները, մահճակալները հասանելի են։ Մեր բժշկական կենտրոնների հնարավորություններն էլ անսահման չեն, պետությունն էլ չի ասել, որ ծառայությունը բոլոր դեպքերում պետք է ապահովի հենց կոնկրետ բժշկական կենտրոնում, ասել է՝ այս ծառայության համար բազմաթիվ բժշկական կենտրոններ ունեն ապահովագրության պայմանագիր, հերթագրվելով՝ առաջին եկածի, առաջինը սպասարկածի տրամաբանությամբ պետք է օգտվել ծառայություններից։ Հավելյալ կոմֆորտի, խնամքի, ծառայությունների համար պետք է վճարել։
Մեր նպատակը, կարիքն է եղել հոգալ մեր ժողովրդի անհրաժեշտ բժշկական ծառայությունները և այս համակագը դա հոգում է»,- ասաց Ավանեսյանը։
