Իրանի նախագահ Մասուդ Փեզեշքիանը հայտարարել է Թեհրանի միջուկային ծրագիրը ստուգելու իր պատրաստակամության մասին՝ համոզվելու համար, որ այն միջուկային զենք ձեռք բերելու ծրագրեր չունի։
«Մենք անկեղծ ենք աշխարհի և մեր սեփական ժողովրդի հետ մեր հարաբերություններում։ Մենք չենք ձգտում միջուկային զենք ստեղծել. մենք դա բազմիցս ասել ենք։ Մենք պատրաստ ենք ցանկացած տեսակի ստուգման», – ասել է նա։
Ըստ նրա՝ Միացյալ Նահանգներն ու Եվրոպան իրենց գործողություններով ու խոսքերով անվստահության բարձր պատ են ստեղծել։
«Այս պատը թույլ չի տալիս, որ այդ բանակցությունները հանգեցնեն իմաստալից արդյունքի։ Եթե աշխարհն իսկապես ձգտում է դիվանագիտության, ապա պետք է դադարեցնի իր սադրիչ գործողությունները»,- հավելել է նա։
