«Հայաստան» խմբակցությունը պահանջում է դադարեցնել Հեռուստատեսության և ռադիոյի հանձնաժողովի անդամ Հակոբ Հակոբյանի՝ Հակոբ Մովսեսն լիազորությունները։ ԱԺ-ում քննարկվող նախագծում նշվում էր, որ Հակոբ Մովսեսն «Առաջին լրատվականին» տված հարցազրույցում թույլ է տվել ՀՅԴ–ին վիրավորող և վարկաբեկող արտահայտություններ` խախտելով ՀՌՀ անդամի կարգավիճակից բխող քաղաքական չեզոքության պահանջը։
Ելույթում «Հայաստան» խմբակցության պատգամավոր Արծվիկ Մինասյանն ասաց, որ հանձնաժողովի անդամն իրավունք չունի հրապարակային քաղաքական գնահատական տալ քաղաքական ուժերին։
«Նույնիսկ, եթե գովաբաներ, մինևույնն է՝ իրավունք չուներ։ Կապ չունի՝ ինչ գնահատական է հնչեցրել։ Ասել է Դաշնակացության գաղափարախոսությունը վտանգավոր գաղափարախոսություն է։ Սա կուսակցությունը վարկաբեկելու փորձ է։ Կամ՝ ասել է մեր պատմական դժբախտությունների մեջ ՀՅԴ դերը շատ մեծ է։ Հակոբ Հակոբյանը 10-րդ դարից սկած հայ ժողովորդին պատճառած վնասների մեծ մասը դրել է ՀՅԴ վրա»,- նշեց նա։
