ԱՄՆ փոխնախագահ Ջեյմս Դի Վենսը Հայաստան կատարած այցի ժամանակ հայտարարել էր, որ Միացյալ Նահանգների առաջին փոխնախագահն է, ով այցելել է Հայաստան:
«Սա շատ հիասքանչ երկիր է: ԱՄՆ-ն հպարտանում է այս համագործակցության համար»,- հայտարարել էր Ջեյմս Դի Վենսը:
Հայաստանում իր այնցն ավարտելուց հետո ԱՄՆ փոխնախագահը մեկնեց Բաքու, ինչից հետո Ֆեյսբուքյան գրառմամբ հանդես է եկել վաչապետ Նիկոլ Փաշինյանի կինը՝ Աննա Հակոբյանը:
«Տարբերվող և տպավորիչ մարդկանց հանդիպելու հնարավորությունն ամենագրավիչ երևույթն է, որ ունի այս կարգավիճակը։ Նման մարդկանց իմ ցանկը համալրեցին Ջեյ Դի Վենսն ու նրա կինը՝ Ուշա Վենսը։
Վենսերի չքնաղ ընտանիքը նաև ակամայից քաջալերեց գիրք կարդալու արշավը։ Նրանց ավագ որդին՝ Էվանը, Զվարթնոց օդանավակայանում ինքնաթիռից իջավ գիրքը ձեռքին և մեկնելիս նույնպես գիրքը ձեռքին բարձրացավ ինքնաթիռ։ Սա նշանակում է, որ Էվանը թռիչքի ժամանակը` կամ առնվազն դրա մի մասը, նվիրում է ընթերցանությանը»,- գրել է Աննա Հակոբյանը:
