Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Վենսի Երեւան եւ Բաքու այցի բուն օրակարգը ո՞րն է: Թվում է, կա առարկայական երեք խնդիր. Հայաստանի եւ Ադրբեջանի միջեւ խաղաղության եւ հարաբերությունների հաստատման պայմանագրի ստորագրում: Դրանից ածանցվում է կողմերի համար փոխադարձաբար չափազանց զգայուն երկու հարց:
Հայաստանի պարագայում դա ԼՂ ռազմաքաղաքական ղեկավարության եւ մյուս պատանդների հայրենադարձությունն է: Որքանով հասկացվում է, Ադրբեջանի համար խիստ հրատապ է «Ազատության աջակցության ակտի» 907-րդ ուղղումը Կոնգրեսի կողմից իրավական ուժը կորցրած ճանաչելը: Այս «թեմաները» որքանո՞վ են փոխկապակցված կամ ինչպե՞ս են իրար փոխլրացնում, արդեն բարձր պիլոտաժի դիվանագիտության լուծելիքն է:
