Ամերիկացի գործարար Իլոն Մասկը X սոցիալական հարթակում գրել է, որ դժվար է պատկերացնել ավելի մեծ իրադարձություն, քան մարդկության զանգվածային ուղևորությունը դեպի Լուսին, այնուհետև՝ դեպի Մարս։
Նա նշել է, որ նման առաքելությունների ընթացքում հնարավոր է հանդիպել այլմոլորակային կյանքի հետքեր։ Մասկի խոսքով՝ չի բացառվում, որ մարդկությունը կարող է հայտնաբերել միլիոնավոր տարիներ առաջ գոյություն ունեցած քաղաքակրթությունների ապացույցներ կամ հին այլմոլորակային կառույցների մնացորդներ։
Գործարարը նաև ներկայացրել է իր պատկերացումները ծրագրի իրականացման վերաբերյալ։ Նրա կարծիքով՝ անհրաժեշտ է հիմնել քաղաքներ Լուսնի վրա և ստեղծել հատուկ մեկնարկային հարթակներ կամ կատապուլտներ, որոնց միջոցով հնարավոր կլինի արձակել արհեստական բանականությամբ հագեցած արբանյակներ՝ տիեզերական հետազոտությունների համար։
