ՀԱԵ Արագածոտնի թեմի առաջնորդ Մկրտիչ եպիսկոպոս Պռոշյանի խափանման միջոցը փոխվել է. հայտնել է փաստաբան Արա Զոհրաբյանը։
«Այսօր Արագածոտնի մարզի առաջին ատյանի ընդհանուր իրավասության դատարանը (դատավոր Դ.Դաբաղյան) որոշեց Արագածոտնի թեմի առաջնորդ Մկրտիչ եպիսկոպոս Պռոշյանի կալանքը վերացնել և որպես այլընտրանքային միջոց կիրառել տնային կալանքը»,- հայտնել է Զոհրաբյանը:
Նշենք, որ Մկրտիչ եպիսկոպոսը Գարեգին Բ-ի եղբորորդին է։ Նա մեղադրվում է ծառայողական դիրքն օգտագործելով ընտրական իրավունքի իրականացմանը խոչընդոտելու, հավաքի մասնակցելուն խոչընդոտելու կամ հարկադրելու մեջ։
