2024 թվականի ապրիլ-մայիս ամիսներին կանգնած էինք պետությունը 1 ամսվա ընթացքում կորցնելու խնդրի առաջ, Արարատում հայտարարել է ՀՀ վարչապետ Նիկոլ Փաշինյանը։
«Այդ ժամանակ ընթանում էր սահմանազատման գործընթացն էր։ Խորհրդակցություն անցկացրեցինք, կոնտեքստն այն էր, որ անհրաժեշտ է հետաձգել գործընթացը։ Հիշում եմ իմ զգացողությունը, կարծես պատկերացրեցի ապագան և հասկացա, որ եթե այդպիսի որոշում կայացնենք, մեկ ամիս անց պետություն չենք ունենալու և պատմության ցիկլն ավարտվելու է։ Այդ ժամանակ որոշեցինք գնալ այդ դժվար ճանապարհով։ Հիմա վստահ կարող եմ ասել՝ պետություն կորցնելու պատմական ռիսկն այսօր հաղթահարված է»,- ասել է վարչապետը։
