Իրանը պատրաստ է քննարկել փոխզիջումներ՝ ԱՄՆ-ի հետ միջուկային համաձայնության հասնելու համար, եթե ամերիկյան կողմը պատրաստ լինի խոսել պատժամիջոցների վերացման մասին, BBC-ին հայտնել է Իրանի փոխարտգործնախարար Մաջիդ Թախտ-Ռավանչին
Շաբաթ օրը ԱՄՆ պետքարտուղար Մարկո Ռուբիոն հայտարարել է, որ նախագահ Դոնալդ Թրամփը նախընտրում է համաձայնություն, սակայն Իրանի հետ այն կնքելը «շատ դժվար է», սակայն Իրանի փոխարտգործնախարար Մաջիդ Թախտ-Ռավանչին նշել է, որ գնդակը «Ամերիկայի դաշտում է՝ ապացուցելու, որ նրանք ցանկանում են գործարք կնքել»՝ հավելելով. «Եթե նրանք անկեղծ լինեն, վստահ եմ՝ մենք կհայտնվենք համաձայնության ճանապարհին»։
Փոխարտգործնախարարը մատնանշել է Իրանի առաջարկը՝ 60% հարստացված ուրանը նոսրացնելու վերաբերյալ, որպես փոխզիջման պատրաստակամության ապացույց։ «Մենք պատրաստ ենք քննարկել սա և մեր ծրագրին առնչվող այլ հարցեր, եթե նրանք պատրաստ լինեն խոսել պատժամիջոցների մասին»,- ասել է Թախտ-Ռավանչին։
Ինչ վերաբերում է այն հարցին, թե արդյոք Իրանը կհամաձայնի արտահանել ավելի քան 400 կգ բարձր հարստացված ուրան, ինչպես արել էր 2015 թվականի միջուկային համաձայնության շրջանակում, Թախտ-Ռավանչին ասել է, որ «դեռ վաղ է ասել, թե ինչ տեղի կունենա բանակցությունների ընթացքում»։
Թախտ-Ռավանչին BBC-ին հայտնել է, որ «զրոյական հարստացման հարցը այլևս Իրանի համար այլևս քննարկման սեղանին դրված չէ»։ Իրանի բանակցողը նաև վերահաստատել է, որ Թեհրանը հրաժարվում է քննարկել իր բալիստիկ հրթիռային ծրագիրը ամերիկյան բանակցողների հետ, ինչը Իսրայելի հիմնական պահանջներից է, քանի որ այդ հրթիռները ուղղված են այդ երկրի դեմ։
